雞功房 (世瑛大廈)

年幾前去過雞功房食蟹肉泡飯,印像中都幾好味.但係叫得做雞功房,主打梗係雞啦.今日咁啱諗起,午餐時段就衝咗上去.我記得之前去嗰陣要等好耐先至有位,但係今日13:15上到去唔使等位就即刻入座.立即叫咗海南雞飯,呢個餐係跟客家黃酒雞湯,海南雞飯好多地方都有,呢個湯先至係我今日嘅目標.

客家黃酒雞湯

雖然藥材味好重,食得出圓肉,北芪果種味,但係碗裡面只係見到好少量依D材料,又香又甜,飲完之後成個身熱烘烘,咁先係靚湯.

海南雞飯

至於個海南雞飯,老實講,質素同湯差太遠.雞好梅,一啲都唔實淨,如果就咁食唔點醬就無乜味.

左面既醬汁似係食腸粉既甜醬,右面係酸味既蒜蓉.就算放成件雞有醬料度沖涼,味道都唔係好黐到上件雞果度.雞油飯無乜特別,只係淡味左少少.我會為咗碗湯再幫襯既,但如果唔計碗湯,我會比較想食燒味舖既切雞飯配咸薑蓉.湯同雞飯,1勝1負,算係OK啦.

1