勝記滷味專家

营业中

休息中

大埔一向好多美食，不過最近社會疫情影響，各人都心驚驚買外賣返屋企食，我都唔例外。一落巴士喺大埔墟見到一間門口好多人等緊排隊嘅燒味店，我都唔執輸去望下，見到佢啲滷味咁新鮮，而且又多人幫襯，都買返兩盒先。呢度嘅招牌梗係要買滷水鵝，半隻都只係$75，可以買返去屋企加料，師傅隨即揀選一隻非常肥美的滷水鵝，即叫即切，大起刀落切法純熟，睇到半肥瘦嘅鵝肉好想即刻食。另外再加多幾隻蛋同埋紅腸俾屋企嘅小朋友食，佢哋都食得好開心，大贊好食！返到屋企已經急不及待大食一餐，估唔到鵝肉肉質很鮮嫩，半肥瘦正合我心意，簡直係送飯一流，點小小醬汁仲好食。相信之後我會繼續幫襯，難怪經常咁多人排隊！