Fifty Fifty

营业中

休息中

呢間鋪頭係將軍澳UNY生活創庫入面，只有幾個座位，平日下午去都唔洗等位，除左有croffles外，都有野飲品可以order。1.士多啤梨忌廉芝士牛角包窩夫牛角包加窩夫嘅甜品係好特別，食落口都偏向食緊牛角包嘅味道，好香牛油味，面頭仲有層厚嘅忌廉芝士，中間有支雪條棍，可以用手攞住嚟食，呢個設計好方便。不過有啲可惜係唔夠熱，做唔到外脆內軟嘅效果。2.奶黃紫薯牛角包窩夫呢個味嘅Croffle，比較偏重紫薯味，反而只有微微嘅奶黃香味，但賣相係唔錯，打卡一流。3.西村宇治抹茶拿鐵呢杯飲品係有嘅失望，飲落口唔夠熱，抹茶味都唔太出，飲唔到宇治抹茶嘅回甘，不過泡係好夠，拉花都好靚，用黎打卡係唔錯。