影片
更多
2020-11-30
31 浏览
Cupping Room嘅咖啡不嬲有水準，宜家唔駛過海，喺旺角都飲到啦！雅蘭中心入面嘅新cafe CR² by Cupping Room除咗供應Cupping Room 咖啡之外，仲供應飛碟三文治及咖哩飯定食，連La Vina嘅Basque Burnt Cheesecake及Danish都有得賣，真係九龍人福音呀！因為我哋未食lunch，所以就試下呢度嘅咖喱飯定食，配搭$42餐飲只係$68，好抵食。咖喱飯定食有3款選擇，我哋點咗一口和牛(+$10)，便當賣相吸引，左邊擺放一口和牛粒，右邊擺放各種蔬菜，用上嘅日本珍珠米比平時食到嘅更有黏性，睇番先知原來用上日本秋田小丁米，難怪咁有飯香。咖喱醬汁係口感順滑，而且注入咗咖啡，味道更有層次。櫻花蝦玉子燒飛碟三文治（飛碟+$42飲品套餐$48)烘得好脆，入面係厚厚嘅玉子燒，外脆內軟，好食！如果櫻花蝦再多D就更惹味啦！一場來到當然要飲咖啡，點咗Coco Chanel($50，套餐補$8)，顏色好靚，味道亦好有層次，飲到咖啡嘅香濃，椰子嘅香甜及抹茶嘅甘香，層層分明，好特別！老公杯Dirty($42)水準依舊，Espresso撞上凍鮮奶，啡味濃郁，好飲
雅蘭中心入面嘅新cafe CR² by Cupping Room除咗供應Cupping Room 咖啡之外，仲供應飛碟三文治及咖哩飯定食，連La Vina嘅Basque Burnt Cheesecake及Danish都有得賣，真係九龍人福音呀！
因為我哋未食lunch，所以就試下呢度嘅咖喱飯定食，配搭$42餐飲只係$68，好抵食。
咖喱飯定食有3款選擇，我哋點咗一口和牛(+$10)，便當賣相吸引，左邊擺放一口和牛粒，右邊擺放各種蔬菜，用上嘅日本珍珠米比平時食到嘅更有黏性，睇番先知原來用上日本秋田小丁米，難怪咁有飯香。咖喱醬汁係口感順滑，而且注入咗咖啡，味道更有層次。
櫻花蝦玉子燒飛碟三文治（飛碟+$42飲品套餐$48)烘得好脆，入面係厚厚嘅玉子燒，外脆內軟，好食！如果櫻花蝦再多D就更惹味啦！
一場來到當然要飲咖啡，點咗Coco Chanel($50，套餐補$8)，顏色好靚，味道亦好有層次，飲到咖啡嘅香濃，椰子嘅香甜及抹茶嘅甘香，層層分明，好特別！老公杯Dirty($42)水準依舊，Espresso撞上凍鮮奶，啡味濃郁，好飲！
飯後甜品點咗咖啡雪糕牛角包，咖啡味雪糕每日新鮮以cold brew coffee混合 Espresso 製造，咖啡味香醇，口感軟滑，不過牛角包裝咗雪糕後比較淋身，唔夠鬆脆，有改善空間。
张贴
