喜茶 (已結業)

喜茶相信大家都有聽過啦，喺銅鑼灣而家都有兩間分店，可以分散下人流。但係一開始都要排成個幾鐘先可以飲到㗎 ！好彩而家少啲人可以唔使排隊就飲得喇。我嘅最愛就係粒粒莓果！係芝芝莓莓嘅升級版上面係一如既往好好食嘅奶蓋，中間係沙冰同埋有啲莓粒，底下就係透明好似椰果同埋珍珠嘅混合版！口感係分為好多層次，好鍾意呀！我第二鍾意就係Oreo鮮奶黑糖珍珠，因為佢個奶味好厚重而且我本身好鍾意食Oreo，所以加埋黑糖珍珠好滿足！重頭戲你啦係限定嘅荔枝啊，真係有好多荔枝肉係底，唔會死甜咁樣，一定會係完之前再飲多次！