影片
更多
2023-04-30
69 浏览
星期日得閒揸車去將軍澳跨灣大橋兜吓風，接近黃昏時間順便响將軍澳市中心近海旁附近搵吓有咩食。選擇偏向以西餐為主而位於Monterey商場對海邊嘅二樓，有個露天嘅位置，可以對住個海景，原來係間日式居酒屋：緻因為揸車冇得飲酒，所以今次就主力試吓D定食火炙海鮮丼：包括有左口魚邊，油甘魚，帶子，鰤魚，劍魚，三文魚及三文魚籽。選用嘅都係一啲油份重嘅魚類，經輕輕火炙過之後，釋出更多油份，特別甘香，尤其係左口魚邊，比刺身好食好多，諗起都流口水而定食都配有漬物，沙律，湯及和果子，都係$218，幾抵食另外朋友叫咗吞拿魚丼定食：吞拿魚選用中拖部位，再加上吞拿魚蓉及鵪鶉蛋伴食，用料新鮮魚味濃郁，絕對係吞拿魚控嘅首選另外再叫咗燒牛舌蕊及燒北海道帶子各一串，前者百分百選用牛舌蕊，爽口唔韌，油分豐富燒帶子生熟控制得啱啱好，而上面鋪咗一啲木魚蒜蓉醬，鹹香惹味串燒雖然試咗兩串，但質素都好高，下次唔揸車可以飲酒，就會試多啲佢嘅串燒啦
而位於Monterey商場對海邊嘅二樓，有個露天嘅位置，可以對住個海景，原來係間日式居酒屋：緻
因為揸車冇得飲酒，所以今次就主力試吓D定食
火炙海鮮丼：包括有左口魚邊，油甘魚，帶子，鰤魚，劍魚，三文魚及三文魚籽。選用嘅都係一啲油份重嘅魚類，經輕輕火炙過之後，釋出更多油份，特別甘香，尤其係左口魚邊，比刺身好食好多，諗起都流口水
而定食都配有漬物，沙律，湯及和果子，都係$218，幾抵食
另外朋友叫咗吞拿魚丼定食：吞拿魚選用中拖部位，再加上吞拿魚蓉及鵪鶉蛋伴食，用料新鮮魚味濃郁，絕對係吞拿魚控嘅首選
另外再叫咗燒牛舌蕊及燒北海道帶子各一串，前者百分百選用牛舌蕊，爽口唔韌，油分豐富燒帶子生熟控制得啱啱好，而上面鋪咗一啲木魚蒜蓉醬，鹹香惹味
串燒雖然試咗兩串，但質素都好高，下次唔揸車可以飲酒，就會試多啲佢嘅串燒啦
张贴
