丸十あぶり牧場 (已結業)

今日行過旺角新世紀見到有間丸十見好似幾好喎咁就入咗去試下，一入到去裝修格調都ok，同埋都坐得舒服，我見到佢有燒烤，但係我今晚就想食定食，咁我就決定揀定食嚟食 。和風柚子蝦沙律： 呢個沙律啲菜我食到都幾新鮮，同埋柚子味亦都唔算太酸佢嘅酸度令我胃口大增，所以作為前菜我覺得都ok，同埋都幾fresh。海洋之盒: 呢個盒其實全部都係串燒，咁佢就包括有大蝦、生蠔、鯖魚、活鳗、帆立貝。 生蠔燒得很好同埋爽口鮮甜， 我最鍾意嘅就係佢嗰啲鰻魚因為佢烧得恰到好處亦唔會話太燶，而且我覺得大蝦亦都幾好、肉質都幾弹牙同鲜甜。鹽燒豚腩丼: 呢個丼有埋溫泉玉子， 海鹽燒豚肉肉質一流而且彈牙， 腩肉都燒得啱啱好，而且啲味亦都唔會話太鹹， 所以呢個丼我亦都覺得幾好味。角切刺身丼: 至於呢個當我覺得所有我鍾意食的魚生集於一身，所以覺得佢呢個魚生丼所有嘢都好新鮮而且賣相亦都非常漂亮， 十分吸引。 我個人覺得吞拿魚係我嘅至愛， 因為都幾鮮甜， 呢一個我十分推薦鍾意食魚生嘅朋友嚟試下。最後我覺得呢一間嘢除咗燒烤之外，串燒及刺身魚生都十分吸引，行過嘅朋友可以嚟試下。