泰邊爐 (已結業)

又泥喇，距離上一次去泰邊爐已經事隔幾個月。由於呢到就腳又易卜位，所以又大駕光臨。估唔到無泥幾個月，佈置同菜單又改變咗，新增多咗個自助火鍋食材區，而精選自選菜單嘅海鮮部份列明變得更仔細，價錢方面感覺上更加抵咗。特別係特飲，依我記憶的確係平咗！由於今次約舊同事食飯人多勢眾嘅關係，所以我地枱可以分煲試足菜單上嘅四種口味。分別有冬蔭功海鮮湯、椰香雞湯、蕃茄濃湯同青咖哩雞湯。等緊湯滾起期間，出去揀咗啲小食同火鍋料，自助火鍋料嘅安排真係好好，咁我就可以想食幾多夾幾多餐肉同餃，特別係菇啊瓜啊，啲份量可以預好啲。然而今次當然唔少得試埋上似未食過嘅熟食，於是我地拎咗食泰國菜唔少得嘅「生菜包碎豬肉」，賣相同食落都似足泰國鋪食嘅味道，所以愛生菜包之人Must試啊！不得不讚嘅係上菜速度依然保持水準，落單都唔係好耐，好快就擺滿成枱食物。之前大讚嘅魚滑蝦滑類都改變咗盛載嘅容器，份量相對地細份咗，人多時可以注意下柯打數量，都係個句啦「食得曬先好柯打」。今次邊爐總結，食材方面齊備而不乏味，不算驚喜亦不會失望。湯底方面試勻四款後，每款口味其實都相當濃郁。不過似乎各人喜好都有不同，我依然喜歡酸辣口味而推薦冬蔭功海鮮湯；而