Maru Maru 丸々 (太古城星輝台） (已結業)

以前係日本嘢今時今日都仲係日本嘢見佢換咗另一間就試下叫咗一個魔鬼魚翅、A4和牛壽喜燒鍋、同一個吉列蠔定食。基本上都係啲普普通通嘅嘢。魔鬼魚翅正正常常，但我嫌佢燒得唔夠燶。雖然都預咗A4和牛冇乜油花，但出奇地都幾好趙口。吉列豪炸得幾OK,但我食淨一舊先記得影相，如果啲生菜再切得幼絲少少就好喇。不論服務食物同環境都係正正常常咁。成間舖頭都要開曬風扇冷氣又唔係好夠咁。呢間舖頭所有嘢都正正常常咁雖然睇食評話係日本人主理，唔知係食材問題定係點，總之就係好普通咁。不過唔係叫咗好多嘢食，可能佢強項係其他嘢咁啱我都冇叫啩。可以試埋夜晚嗰餐嘅。今餐三樣嘢埋單$450。