樂意扒房 (已結業)

好少去灣仔,通常都係去會展睇show或展覽. 好耐之前朋友已經話約去樂意扒房試試,但種種原因次次都唔成行; 終於今次去會展睇戲之前一齊去樂意鋸扒!平日夜晚,入到去得兩張檯,侍應仲多過客人; 也因此一坐低就成四五個侍應圍埋張檯斟水遞餐牌執位... 打開餐牌,嘩,一個扒成三百幾蚊,貴得令我有點意外. 想睇下有無套餐... 有,得一千零一個,五百蚊位,又花膠又生蠔又大蝦...當然唔叫餐,散叫...先有免費的餐包,我們三人都有一大tray,仲有大量牛油供應. 麵包熱辣辣兼外脆內軟,好食!頭盤有侍應極力推介的三文魚生 (其實我都唔知點解扒房會有魚生花膠供應,仲要係重點推介,同個情調格格不入). 魚生幾新鮮,個人特別鍾意厚切; 可惜最大問題係唔夠凍. 雖則未至於係暖,但都feel到份魚生已經係室溫下攤了一陣... 薯蓉焗田螺 - 個螺肉唔夠大粒,不過個薯蓉好食! 個薯蓉唔係全'蓉',鍾意佢裡面有細小的薯粒,'查'麵包都幾好食!主菜我們三人叫兩個扒share,牛豬各一. 牛扒先上,因為share關係,侍應提議我們叫厚身些少的扒(好似話15oz??),價錢五百幾(都係埋單先知). 撇除價錢,個牛扒又真