茶咖宅 (已結業)

上环真系美食天堂。选择太多，有时都会有选择困难症不过上到去太平山道附近，想揾非Cafe嘅餐厅又唔系咁易，见到呢间招牌同格局都系属于咖啡室，但餐牌又系茶餐厅咁，就好奇一试。先讲环境，其实真系唔错。因为楼底高空间大，中午时间人又唔多，食得好舒服。其实佢有啲感觉似系马来西亚𠮶啲冰室，有一刻觉得如果佢卖粉面、咖坱多应该会更啱feel之后见到有传统常餐，就叫嚟试试睇吓有咩唔同⋯答案系⋯完全冇唔同嘅！真系一间普通茶餐厅嘅味道，叉烧亦都不过不失。要真系形容就系普通至极，冇必要老远跑来。杯奶茶亦都系冇乜特别，其实佢点解会挂一个Cafe嘅招牌？不如叫返一间乜乜茶餐厅，个落差感先唔会咁大。