泰妹餐廳 (The Wave) (已結業)

收工想同班同事去食下泰菜, 但觀塘似乎比較少選擇上OPENRICE搵搵原來係THE WAVE有間泰妹食物都唔錯, 都算多款式, 當然就無得同九龍城個邊既泰國餐廳對比啦叫左個小食拼盤、粉絲蝦煲、海南雞、咖哩軟殼蟹、波蘿海鮮炒飯、炒通菜等等炸蝦餅幾彈牙, 大大舊又新鮮, 點埋泰式辣醬食真係無得輸架海南雞都幾嫩滑, 啱哂我口味咖哩軟殼蟹都係必點之選! 咖哩係香甜幼滑個種, 唔食得辣既朋友都OK架!軟殼蟹大大件, 炸得香脆仲同咖哩勁夾波蘿海鮮炒飯都好好食, 炒得夠乾身, 海鮮餡料豐富, 正!食完之後都一致認為要食返個甜品先夠喉所以就叫左芒果糯米飯同甜品拼盤Share食芒果糯米飯啲芒果幾香甜多汁, 糯米飯都做得好好, 仲要有斑蘭口味添而甜品拼盤包括有幾款唔同既糕點, 都幾清甜好食架, 唔錯~下次收工想食泰菜, 唔洗再出九龍城咁遠啦