燈飾靚, 裝修光猛, 面積大, 樓底高,
廳堂高雅大方, 適合朋友, 家庭飯局聚會, 喜宴聯歡.
侍應招呼親切, 先開茶及送上花生小食, 我們點了鐵觀音茶, 水滾茶香.
餐牌有多張, 印制好清晰, 食品款式多. 部長介紹 [晚飯超級大優惠] 至尊自選組合, 有六款主食, 款款吸引 , 配套有13 個小菜, 可選一個, 只加$100-.
我們揀了 [片皮鴨 + 黃金蝦球] 組合.
還有廚神推介, 紅酒燴牛尾, 每煲$218.
片皮鴨由餐車送到, 亮相後, 部長親自操刀在我們檯旁逐片切上碟, 十分巧手順暢.
片皮鴨, 件件大塊, 皮香肉厚.
薄包皮用蒸籠盛載, 保溫功夫做得好, 下面瓷器水盅有熱水加溫.
確保薄包皮的濕度及溫度, 柔軟又衞生.
侍應又送上醬料及配菜: 青瓜絲, 大蔥, 豆辦醬,
看見檯上擺設好整齊, 相當吸引. 大家準備開餐了.
小菜, 黃金蝦球又送到.
紅酒燴牛尾, 也送到. 真豐富.
先動手拿起包皮, 塗上醬料, 加入配料, 把鴨皮鋪上, 鴨皮片得好薄, 香脆又好食, 超正！
開心繼續包, 鴨肉肉質嫩滑, 食落鴨味香濃. 用暖暖的薄皮包住片鴨皮, 青瓜, 醬汁一齊食. 真滋味.
黃金蝦球有六 隻, 賣相亮麗, 金黃色炸皮, 炸粉薄, 好香脆.
蝦球好巨型, 蝦肉新鮮彈牙又爽口, 炸皮混上鹹蛋黃, 帶些鹹香味. 好滿意.
紅酒燴牛尾, 牛尾份量多, 燜得好稔滑, 紅酒味香濃,
食牛尾, 有助補給骨膠原, 伴有糖心蕃薯, 軟糯可口, 這道菜廚神推介得真好, 入口香濃而不膩 .
餐後送甜品, 蓮子紅豆沙, 每人一碗.
蓮子稔滑, 味道不太甜, 好滿意.
酒家環境舒適, 食物價錢公道, 烹調很好!
店員服務態度認真, 有問須要替你們再翻熱牛尾煲嗎? 埋單後, 送我們去乘電梯, 詢問要否泊車優惠? 玉桃軒酒家真不錯.
