德美壽司 (新都城中心1期) (已結業)

德美壽司有好幾間分店，我第一次幫襯就係紅磡分店，當日因為趕時間就隨意叫左個丼飯，丼飯入面嘅魚生十分新鮮，價錢又大眾化，就係咁我就返唔倒轉頭啦😆，德美就成為左我最喜愛嘅日式餐廳其中之一啦。今晚黎到將軍澳新都城中心一期分店，（大家記得要預先book位丫😆）因為每到食飯時段，門口都排滿好多等入座嘅食客架。🥢先黎一個開胃前藥，凍蕃茄豆腐，上邊鋪滿一層紫菜同木魚碎，木魚碎係日式料理中同豆腐非常夾，豆腐中淡淡嘅豆香，夾埋木魚碎一齊食，增加口感之餘更有提鮮作用，凍蕃茄入口冰涼，酸酸味味，係非常開胃嘅前菜😋。🥢刺身盛合.美 🥢整碟刺身色澤光亮，非常新鮮 - 赤身，不含油脂，原全冇脂肪嘅位置，肉質較實唔鬆散，有咬口；帆立貝厚切肥美；而三文魚同油甘魚，色澤光亮，油花分怖均勻，入口肥美甘香；甜蝦色澤橙紅，蝦頭緊緊連接蝦身，非常新鮮😋。🥢紫蘇沙追魚海膽天婦羅沙追魚配海膽呢款天婦羅係我第一次嘗試，配搭新穎，沙追魚上塗上一層海膽，令白滑口感嘅沙追魚增加鮮甜度，而天婦羅嘅炸漿亦恰到好處，薄薄一層唔會有滯溜感。🥢鰻魚班戟甜點嘅班㦸食得多，用鰻魚黎做班㦸真係未食過🤗，甜甜軟綿綿嘅班㦸緊緊包住味道濃郁嘅燒鰻魚、牛油果、芒