好耐無食燒肉放題！一入餐廳，感覺好舒服，而且位置夠大，食韓燒最緊要檯要夠大，坐得舒服。
依家餐廳都越黎越先進，掃qr code就可以落單。
識食梗係叫啲牛黎食。
睇到已經流口水。牛肉好靚，食好甜，配埋生菜。燒肉同生菜呢個組合永遠無得輸。
睇下啲豬肉！韓式燒烤，五花腩係必須！
燒到脂肪係咁冒泡，咬一啖，脂肪香味滲透出黎，好邪惡，完全完美！
除左肉，仲有好多海鮮食。有得燒埋海鮮真係好開心。海鮮口感新鮮，鮮甜。
仲有小食可以叫，太好啦！
炸物都係啱啱炸好，熱辣辣，好惹味！炸物選擇都算多，但叫唔到咁多黎食。因為食肉已經食到好飽。
真係好滿足好滿足嘅一餐。慢慢食，吹下水，食到飽為止，好正！
