INN - I’m Not Nothing (已結業)

頭先睇緊烹飪箱目煎牛扒，睇到個心癢癢，好在屋企附近食餐廳多，搵左呢間美美西餐廳嘆塊扒。餐廳裝修好靚，超多打卡位呀！入面都唔少女仕打卡，不過我今晚目標係牛扒。我今次要左個西冷牛扒7成熟，再配杯熱情果特飲。牛扒一上枱就非常滿意，有沙律又有薯條，重點牛扒好大塊而且賣相都好美觀。切開中間睇下，7成熟都唔會太老，食起嚟仲夠冧一啲都唔會韌，仲要好濃牛味，肉味超濃郁，有時食扒都會有啲筋，呢塊真係無，好滿意，啖啖滿足。佢個燒汁煮得好味，個人覺得應該有少少牛扒嘅肉汁，芥末醬都比平時食嘅好味，讚呀。再邊食沙律同薯條，時解膩時邪惡，平衡下，真係好正。最後飲埋杯清新熱情果特飲，咬下粒粒甜甜熱情果籽，梳打飲落又夠又爽，完美句號。