座銀

营业中

休息中

從來不喜在食店間外排隊，對此行為一向嗤之以鼻：「剩係得佢一間好食咩？！懶醒！」，但當晚居然一反常態，在歌賦街、鴨巴甸街一帶有數間出名的麵店(包括九記😅)，專登搵左間最長龍的座銀排隊，因為之前happy hour 食左啲嘢打左底，又同朋友雞啄唔斷鬼咁好傾。確確實實排咗半個鐘頭入到店入邊以為有得食，點知入到去坐低咗都仲要排隊！又排多陣“坐隊”終於安排座位有得吃了！我哋二話不說嗌咗雞白湯麵和炸雞。飲番杯凍茶先，抖順條氣。我之前未食過，當碗麵嚟到嘅時間有啲震撼：大大個碗，上面插着一排嘢好似柴咁。唔好講多，第一步試吓啲湯先，嘩！好濃郁好好味的雞湯啊！直情好似西湯咁厚咁濃郁，但係一啲都唔肥認真抵讚，最怕啲湯麵浮着一層層油花，老實講睇見都飽。嗰堆柴是炸牛蒡，我將佢浸晒落個湯度同啲麵一齊食，認真不錯！試一試舊叉燒，而家麵舖啲叉燒又話煙燻又話乜整到好似西式啲火腿咁，之後食下舊雞，嘩！好嫰滑的雞胸肉啊！很柔軟啊！我沐浴在濃郁的雞湯和柔軟的雞胸肉中，一時不能自已！越好食嘅嘢就食得越快，又係時間講拜拜，臨離開之前梗係要去洗手間補下妝先。一入到去，哇！個馬桶個蓋自動升起迎接我！呢個係名副其實的日本馬桶，仲要係控