影片
更多
2017-02-07
568 浏览
今日同朋友去食日本嘢我哋去咗諾士佛臺呢間食浜燒嘅日本餐廳入到去覺得成個環境都好好 ！好有日本風味其實浜燒已經唔係第一次食啦上次試過一次都回味咗好耐！浜燒嘅意思就係將一啲新鮮嘅魚產 用燒嘅方法煮熟嚟食 保留 海鮮嘅鮮味食浜燒之前我哋首先叫咗幾個冷盤嚟食首先係三色豆腐佢係由魚子、海膽、三文魚腩、同埋豆腐組成 魚仔好有鮮味，一啲都唔鯹海膽亦都好鮮甜肥美吞拿魚腩係搞成蓉咁樣上配合埋淡淡地嘅豆腐，成件事好夾跟住就係苦瓜沙律我自己係唔食苦瓜嘅聽朋友講啲苦瓜苦味唔係好勁，有少少青味，好清新個沙律配咗個柚子汁，我都有食咗少少沙律菜，個柚子汁同沙律菜好夾 酸酸甜甜咁好醒胃跟住就嚟咗一條原條魚刺身呢個魚刺身係今日嘅廚師推介我哋叫嘅時候已經淨番最後一條呢個魚刺身肉質淋淋地，魚味比較淡，配合咗一個酸酸地嘅醬汁食，個味道都幾清新跟住就係一個好豐富嘅刺身拼盤上面有海膽、劍魚、吞拿魚腩、帶子、油甘魚、活赤貝等等值得欣賞嘅係佢每一樣都好鮮味好出色海膽超級肥美有成個手掌咁大件吞拿魚腩一食入口充滿魚油魚味好濃郁令人一試難忘帶子亦好黏口好鮮甜，而且大大件好正另外值得一提嘅係活赤貝真係好新鮮好甜連平時唔係好食赤貝嘅我都覺得超
其實浜燒已經唔係第一次食啦上次試過一次都回味咗好耐！浜燒嘅意思就係將一啲新鮮嘅魚產 用燒嘅方法煮熟嚟食 保留 海鮮嘅鮮味
食浜燒之前我哋首先叫咗幾個冷盤嚟食首先係三色豆腐
佢係由魚子、海膽、三文魚腩、同埋豆腐組成 魚仔好有鮮味，一啲都唔鯹海膽亦都好鮮甜肥美吞拿魚腩係搞成蓉咁樣上配合埋淡淡地嘅豆腐，成件事好夾
跟住就係苦瓜沙律
我自己係唔食苦瓜嘅聽朋友講啲苦瓜苦味唔係好勁，有少少青味，好清新
個沙律配咗個柚子汁，我都有食咗少少沙律菜，個柚子汁同沙律菜好夾 酸酸甜甜咁好醒胃
跟住就嚟咗一條原條魚刺身呢個魚刺身係今日嘅廚師推介我哋叫嘅時候已經淨番最後一條呢個魚刺身肉質淋淋地，魚味比較淡，配合咗一個酸酸地嘅醬汁食，個味道都幾清新
跟住就係一個好豐富嘅刺身拼盤上面有海膽、劍魚、吞拿魚腩、帶子、油甘魚、活赤貝等等
值得欣賞嘅係佢每一樣都好鮮味好出色
海膽超級肥美有成個手掌咁大件
吞拿魚腩一食入口充滿魚油魚味好濃郁令人一試難忘
帶子亦好黏口好鮮甜，而且大大件好正
另外值得一提嘅係活赤貝真係好新鮮好甜連平時唔係好食赤貝嘅我都覺得超好食
食完冷盤，當然要食返少少熱嘢暖下胃啦！我哋叫咗一個牛肉火鍋，d牛肉唔好睇佢好似好瘦，但係一咬落去充滿牛肉味 肉味超級濃郁個湯底甜甜哋，入面有金菇、 紹菜、冬菇、粉絲等等嘅配料，我哋仲叫咗兩碗白飯加湯撈嚟食 個湯汁撈飯真係一流
食咗咁多前菜，終於到今日嘅主菜啦！ 就係呢盤咁豐富嘅海鮮拼盤上面嘅海鮮係超級新鮮！！！嗰隻龍蝦仲係郁緊架！
呢隻燒龍蝦可以話係我食過最好食嘅龍蝦之一個肉質好彈牙，又鮮甜！而且佢嘅蝦膏亦都係好鮮甜一啲都唔覺得鞋！師傅燒到個肉質啱啱好唔會過老！讚呀！
個蟹腳充滿海鮮味燒完之後仲有好多肉汁！一啲都唔覺得乾！比起食buffet嗰啲蟹腳鮮甜勁多
跟住到燒蠔，呢個蠔燒得啱啱好！入面仲係juicy嘅！而且個味好鮮甜！我個人比較鍾意食呢一啲爽口鮮甜嘅蠔！所以啱曬我口味！
燒鮑魚就冇乜特別，都好彈牙嘅！而且食得出非常之新鮮！
最後仲有燒元貝真係超級大隻呀！大家睇下張相嘅對比就見到啦！ 我又要忍唔住要讚一讚師傅嘅手勢！佢燒到個元貝啱啱好熟！入面仲係淋淋地、黏黏地， 一啲都唔會覺得韌，超級好食！
成餐飯都超級勁滿足環境靚食物質素好地點就腳雖然價錢唔算係好平但係絕對物有所值 ！我覺得絕對係 fine dinner 嘅一個好去處！
张贴
