影片
更多
2021-11-10
122 浏览
牛大人真係台灣其中一間好吸引我既餐廳，香港既分店基本上都還原9成，價錢亦都好親民，去唔到旅行都可以照食餐勁既!湯底我地叫咗養生濃湯同埋紅燒牛骨湯。養生湯底好清甜同埋冇咁油，幾岩女仔。而我既牛骨湯好濃同埋牛味超重，食呢個湯底好多時連醬料都唔使落，食材都可以食到牛既香味!食物有分手機落單同埋現場自己夾，落單方式都簡單而且牛肉都有好多選擇，個人覺得澳洲和牛M5牛肩最好食而且肉質好嫩! 另外餃子都做得好出色，細細粒但肉眼睇已經見到充滿湯汁，真係同台灣食到既一樣味!另外係出邊夾到既丸類同埋菜都好新鮮又唔會雪到好硬，基本上落鍋煮一陣已經熟，其實好似冇一款係難食既，可能佢做得較新鮮，所以加埋個咁正既湯底已經冇得輸!熟食方面都有D台灣特色食物例如鹽酥雞、甜不辣同埋炸甜薯等等，細細碟又唔會食到好滯又可以過下口癮! 油炸鬼都係新鮮炸起脆卜卜，唔加落湯食都好惹味!飲品方面有好多唔同既汽水同埋自家制既茶類，真係要花多D時間先諗到想飲咩。我地手機落單見到佢有款手工啤叫落花流水，所以即刻試下。果味同埋麥味好濃又有啤酒花既香氣，呢隻啤酒真係幾高質，夾埋食唔同既台灣野真係一流!另外仲有雪糕，今日係玄米茶味，食落奶味唔
湯底我地叫咗養生濃湯同埋紅燒牛骨湯。養生湯底好清甜同埋冇咁油，幾岩女仔。而我既牛骨湯好濃同埋牛味超重，食呢個湯底好多時連醬料都唔使落，食材都可以食到牛既香味!
食物有分手機落單同埋現場自己夾，落單方式都簡單而且牛肉都有好多選擇，個人覺得澳洲和牛M5牛肩最好食而且肉質好嫩! 另外餃子都做得好出色，細細粒但肉眼睇已經見到充滿湯汁，真係同台灣食到既一樣味!
另外係出邊夾到既丸類同埋菜都好新鮮又唔會雪到好硬，基本上落鍋煮一陣已經熟，其實好似冇一款係難食既，可能佢做得較新鮮，所以加埋個咁正既湯底已經冇得輸!
熟食方面都有D台灣特色食物例如鹽酥雞、甜不辣同埋炸甜薯等等，細細碟又唔會食到好滯又可以過下口癮! 油炸鬼都係新鮮炸起脆卜卜，唔加落湯食都好惹味!
飲品方面有好多唔同既汽水同埋自家制既茶類，真係要花多D時間先諗到想飲咩。我地手機落單見到佢有款手工啤叫落花流水，所以即刻試下。果味同埋麥味好濃又有啤酒花既香氣，呢隻啤酒真係幾高質，夾埋食唔同既台灣野真係一流!
另外仲有雪糕，今日係玄米茶味，食落奶味唔重而且食得出茶既甘香!
张贴
