華康餐廳 (已結業)

大概二年前在灣仔區返工，當時華康既海南雞飯相當出色，肉質嫩滑，而且雞味十足，係我在香港食過既海南雞飯中算數一數二的好！今晚因事路過灣仔，想起華康我的至愛海南雞就諗住去重溫舊夢。海南雞餐賣$42，有油飯一碗，海南雞一碟（伴醬料），湯...係基本配搭。菜一上已經急不及待起筷，咦，唔對路，冇味既？無錯，我面前既海南雞已經唔再係二年前既海南雞，雞肉淡淡的毫無味道，再夾第二件試試，一樣係無味...油飯呢，亦無乜油香味，再加上飯煮得太爛，冇咬口。唉...另外點左個魚湯浸荳苗，份量少亦無乜特色，本來見餐牌上油菜$12而浸菜$16，點知埋單先知浸荳苗卻要$20！當時伙計話可以選荳苗，但無同我提過荳苗要貴些啊！呢餐真係食得唔高興，仲完全破壞晒華康係我心目中係全港最top海南雞飯餐廳既印象！