北海丼 (已結業)

朋友上個月已經想嚟呢間，見今日收早就專登過太古食。去到見到餐廳入面坐滿晒人，好彩都唔使排好耐就入得去。餐廳係一個長方形的設計，都坐得舒服，唔會有壓迫感。三文魚籽丼 $228個餐拎到嚟，侍應會喺你面前加三文魚籽，見到一羹一羹滿滿的三文魚籽舖喺飯面，仲要加到差不多滿瀉，呢個過程夠晒治癒，同樣亦係呢個餐嘅賣點。因為朋友好鍾意食三文魚籽，所以佢食得好開心，味道新鮮，但可能太多三文魚籽，又真係有d咸。招牌北海丼 $298可能客人多嘅關係，呢個丼喺我朋友食完佢碗三文魚籽丼，再等咗約10分鐘先到，說真的確實等得有d耐，肚仔都打晒鼓。講返個丼，刺身好新鮮，種類都幾多，包括有海膽、三文魚、三文魚籽、鮑魚、赤海蝦、蟹鉗、元貝等等。自己食晒一碗會好飽，但確實有說不出的滿足。整體而言，食物質素高，價錢合理，服務普通，喺香港食到有日本質素的刺身確實難得。未有時間去日本嘅朋友，可以嚟呢間過吓口隱先，相信你同我一樣會愛上呢間餐廳嘅食物。