博多拉麵別天神 (已結業)

去完日本旅行真係對日本美食念念不忘，記得果日食茶記經過呢間拉麵店，鋪面同日本拉麵店一樣咁滯，於是放工即刻過去食~呢度買野食都同日本一樣禁機買既~入面既裝修都同日本一樣~真係好似冇離開過日本咁~食物方面只有兩款拉麵同兩款小食選擇，套餐都係呢四款，所以我地一於叫哂兩個套餐試哂佢~別天神套餐拉麵係豚骨湯底既叉燒拉麵，配料附有一大塊紫菜、溏心蛋、木耳、蔥同埋粟米~等緊既時候已經見到店入面寫住湯底係100%豚骨+純水製成，不加味精純天然~望落個湯底真係乳白色好吸引，可能因為冇加味精，湯底味道較平時食既拉麵冇咁濃同咸，唔會勁口渴要飲水~而叉燒有兩件，夠大塊亦燒得幾香，麵質比日本食既冇咁彈牙但以係香港同類店舖黎講已經相當優秀~呢個餐配左餃子作為小食~餃子有6件，煎得夠香口，餃子最好有人share，如果唔係食完拉麵再食6個餃子會好飽~蝦味噌套餐呢個拉麵係用左蝦味噌豚骨湯底製成，配料同豚骨湯拉麵一樣，有好多栗米~不同之處係多左d櫻花蝦，食落湯底比豚骨湯拉麵更濃，但同樣唔會有過咸同口渴既情況出現!唔錯!特別要讚下隻溏心蛋~好濃蛋味，溏心造得好好，口感好正~而配呢個餐既小龍蝦蟹子沙律都好特別，配左幾塊紫菜，