同人鍋 (已結業)

一行三人幫我老死慶祝生日，老死係海鮮迷，見喱間野寫到海鮮放題咁就去試下。坐低無耐就上雞煲，叫左小辣。辣味完全欠奉。食完雞煲就話換個海鮮鍋，一等就等左45分鐘先黎個未煲過嘅龍蝦湯底，點解要等45分鐘？真係會諗爆頭都唔會諗到！好喇，個湯滾喇， D 海鮮都又未黎，又等！基本上食完個雞煲消化埋又肚餓返都未食到第二樣野落肚！之後海鮮到另外，再到一大盆丸類，原來係一定要食喱盆丸的，勁多丸，見到都知道食完喱盆丸都應該已經7成飽。海鮮類除左蟶子王係好味之外，其他樣樣都勁普通。服務勁差，永無主動。鍋底好淺，成日要加湯，但服務員數目少，俾你叫到佢又要等好耐先加到，辣椒粒又要另外加錢。完完全全唔抵食，無論服務，食物質素，環境都唔應該收喱個價！永遠唔會再幫襯！