是但求其食 (已結業)

同屋企人假日下午行過附近，周圍閒逛，見到呢間店名「是但求其食」，出面有介紹酒類，覺得餐廳未必是”family friendly “,因為帶住小朋友，所以原本打算走，點知家人話試下，咁就試下啦。餐廳鋪面唔算大，不過乾淨企理，睇得出有用心裝修，其實夜晚三五知己來飲下野都幾好。我地一坐低，侍應就已經送左本畫冊+蠟筆俾小朋友畫畫，有小朋友的人應該明白有提供「娛樂」項目俾佢地既重要性，侍應好快就俾埋小朋友餐具，好細心！我地都有點肚餓，所以叫左芝麻雞絲意粉、和風牛肉漢堡配薯條，仲有三文魚蟹籽pizza, 先有蘑菇餐湯，這個湯不過不失。芝麻雞絲意粉口感好，味道濃郁，意粉軟硬適中。和風牛肉漢堡，小朋友都食得講yummy,牛肉漢堡好有肉汁，正。三文魚籽Pizza,是薄批，餅底好鬆脆，三文魚蟹籽好味丫，應該係話色香味俱全。值得再來的餐廳。