影片
更多
2006-08-08
14 浏览
我地一行三人準時於十二點半到,成埸唔大,只有廿零張枱,但係我地到嗰陣只得小猫幾隻,偏偏個木無表情既女侍應要我地坐一張摺枱,仲要係坐紅色嗰啲膠摺櫈;我地即刻問點解唔可以坐其他嗰啲,佢竟然夠膽死好兇咁話嗰啲係四人枱!!雖則枱面只有三個位,我則刻話我地而家比四個人茶錢,比張四人枱我. 服務態度其差不在話,仲要全場啲侍應都木口木面,晦晦氣氣咁, 超冇禮貌; 雖然佢地唔係出嚟賣笑,但係唔該做得服務行業,可唔可以比番應有既笑容同禮貌??點心又少選擇又細件,仲要收到得死咁貴,基本上冇一樣野值得讚:魚肉燒賣&炸鯪魚球- 根本就係一舊粉團, 街邊十蚊6粒嗰啲都好食過佢, 一啲魚味都冇!!係一丁屎都冇. 叉燒腸- 唔好以為皮薄就係好手工,一夾係條短過屋企所有遙控既腸粉,啲料就好似落雪咁跌哂落嚟.咁係好手工咩??? 仲有呀,啲腸粉豉油係咸嫁!!!!扮哂有特色但係一啲都唔夾.春卷- 一支煙都長過佢. 仲要係淋既什菇腐皮卷- 唔知係佢地把較剪唔夠利丫定係又玩特色,條條腐皮卷淨係剪開一半,夾起上嚟'呢咁hea',啲菇咪又係好似落雪咁跌哂招牌叉燒飽- 不外如是,亦唔見得特別好食,出面大把食肆都有得食,仲冇呢到咀甜添
服務態度其差不在話,仲要全場啲侍應都木口木面,晦晦氣氣咁, 超冇禮貌; 雖然佢地唔係出嚟賣笑,但係唔該做得服務行業,可唔可以比番應有既笑容同禮貌??
點心又少選擇又細件,仲要收到得死咁貴,基本上冇一樣野值得讚:
魚肉燒賣&炸鯪魚球- 根本就係一舊粉團, 街邊十蚊6粒嗰啲都好食過佢, 一啲魚味都冇!!係一丁屎都冇.
叉燒腸- 唔好以為皮薄就係好手工,一夾係條短過屋企所有遙控既腸粉,啲料就好似落雪咁跌哂落嚟.咁係好手工咩??? 仲有呀,啲腸粉豉油係咸嫁!!!!扮哂有特色但係一啲都唔夾.
春卷- 一支煙都長過佢. 仲要係淋既
什菇腐皮卷- 唔知係佢地把較剪唔夠利丫定係又玩特色,條條腐皮卷淨係剪開一半,夾起上嚟'呢咁hea',啲菇咪又係好似落雪咁跌哂
招牌叉燒飽- 不外如是,亦唔見得特別好食,出面大把食肆都有得食,仲冇呢到咀甜添.
蛋撻,馬拉糕- 唔夠香不過好過其他所有野
好喇,當我地係一點十五分點第二輪食物(只係再叫叉燒飽同蛋撻),諗住帶番公司比其他人試下...三十分,叉飽先到;跟住再等,一路等;等到搭八啲蛋撻都未嚟,就叫個部長幫我地跟下啦,佢竟然話個爐蒸緊叉燒飽,蛋撻要一陣先有位入爐....!!!!!唔係下話??成間油樓得一個蒸爐??? 當然我地話取消嗰陣就話入左爐,三分鐘就得.... 佢地既三分鐘, 比整杯麵既三分鐘長好.........多.........
總括而言, 不知所為!!國金軒既價錢,大排檔既服務, 豆腐渣既味道. 百人轎抬都唔再去.
张贴