影片
更多
2010-07-17
19 浏览
自己食過一次, 屋企人都食過一次, 後尾講番先知大家都有不快經驗先講屋企人個單, 下午茶飲茶, 點心一般, 腸粉唔滑, 就算所謂下午茶既價錢都只係比正價平少少特價點心款式唔多食物之外, 伙記無論工作能力定服務態度超有問題, 應完你就算, 叫佢比張點心紙好似好艱難咁好啦, 以上係屋企人口述, 可能唔夠中肯, 今次到我自己, 真係頂佢個肺!尋晚同班朋友食飯慶生, 7個人諗住叫6個餸, 開頭先來兩個: 冰淋__ __ 骨 (類似沙拉骨, 唔鬼記得名) 乳豬 1/4隻 (跟多一個小菜, 係一個組合)呢兩味其實唔差, 咁餸黎諗住叫7個飯, 點知差唔多食哂兩味餸(已經食得好慢)都未黎同D伙記講, 哦完就算, 後尾有個似有番D經驗既阿姐先幫我地追好啦, 食完兩個餸啦, 七個白飯先黎, 好野!又要去催另外4個餸啦, 終於黎多兩味: 西蘭花炒桂皇, 豉椒炒聖子西蘭花果個...我只能講唔係難食, 亦都唔係零舍好食, 因為全港九新界既酒樓都做到呢個水準炒聖子完全唔掂, 完全冇豉椒味, 好似白烚完打個芡咁7條友兩味餸當然唔夠食哂成碗飯架啦, 好啦, 食左半碗,
先講屋企人個單,
下午茶飲茶, 點心一般, 腸粉唔滑, 就算所謂下午茶既價錢都只係比正價平少少
特價點心款式唔多
食物之外, 伙記無論工作能力定服務態度超有問題, 應完你就算, 叫佢比張點心紙好似好艱難咁
好啦, 以上係屋企人口述, 可能唔夠中肯, 今次到我自己, 真係頂佢個肺!
尋晚同班朋友食飯慶生, 7個人諗住叫6個餸,
開頭先來兩個: 冰淋__ __ 骨 (類似沙拉骨, 唔鬼記得名)
乳豬 1/4隻 (跟多一個小菜, 係一個組合)
呢兩味其實唔差, 咁餸黎諗住叫7個飯, 點知差唔多食哂兩味餸(已經食得好慢)都未黎
同D伙記講, 哦完就算, 後尾有個似有番D經驗既阿姐先幫我地追
好啦, 食完兩個餸啦, 七個白飯先黎, 好野!
又要去催另外4個餸啦, 終於黎多兩味: 西蘭花炒桂皇, 豉椒炒聖子
西蘭花果個...我只能講唔係難食, 亦都唔係零舍好食, 因為全港九新界既酒樓都做到呢個水準
炒聖子完全唔掂, 完全冇豉椒味, 好似白烚完打個芡咁
7條友兩味餸當然唔夠食哂成碗飯架啦, 好啦, 食左半碗, 諗住等埋一次過食埋佢就走人啦(大家都已經燥燥地) 係"千呼萬喚"之下, 終於黎埋果個咩"浸翠苗", 跟手順便叫個阿姐催埋最後一味餸啦, 真係OMFG, 原來冇落到單, OK! 唔緊要! 大家都係打份工, 真係講哂粗口大家冇意思, 拿拿臨落多兩味餸醫肚好過 (大家果陣同未食過野冇分別)
......大家拿住果半碗左右既白飯等左廿分鐘左右, 又去搵阿姐吹下水啦, 我直頭要拿住張單行去搵個部長級既講, 同佢對住個落單時間同埋當時時間 (order時間: 20:15, 當時時間: 20:40)
20:45...終於黎埋最後兩個餸: 沙爹肥牛煲, 黃金煎大蝦
估唔到連最COMMON既肥牛煲都整到淡茂茂, 乜家陣豉椒同沙爹好貴咩?
黃金蝦味道其實OK, 但份量好少, 3隻大蝦斬一半有6份, 有個FD捱義氣退出唔爭冇得食
最後埋單同佢講番, 酒樓果邊道歉同埋比張卡片話包冇下次
佢講得岩! 唔會有下次, 轉頭落到樓就勵手扔左張卡片佢!!!
张贴