御滿屋日本料理

营业中

休息中

尋晚7點50分左右入座，三個人一坐低就直奔D餐既主角大拖羅同海膽刺身，同埋試下個魚子醬。但係落單時候發現有限數量既，大拖羅限每次9塊，海膽刺身就限15件。最先嚟係魚子醬，口感略黏，咸味，不過不失。之後冇啦啦冇落單又嚟多三件魚子醬，不過都算，食埋去。等左5分鐘左右就嚟大拖羅仲要得6塊，仲要切到好薄好細塊，就兩截手指長少少咁。食落有筋，唔係想像入口即溶，又冇乜大拖羅本身既香味，好似食緊冇乜味既野。既然係D餐緊係主攻大拖羅，再落單，數量嚟齊比上一轉再細塊啲，目測得3.5-4cm仲要薄切，又係有筋，有塊仲要有骨。再落單，呢轉等好耐先嚟，我地枱面都冇晒野食，又肚餓喎，之前落左其他熟食有啲食左有啲未到，而海膽手卷，海膽杯，又落多轉海膽刺穿都冇嚟過。呢轉大拖羅等左10分鐘有多就嚟個中拖羅？我地都冇嗌過中拖，不過肚餓都算，又係有筋冇乜味仲要有咬口啲，有咬口唔係讚，係啲筋有啲難咬咋！仲有想飲個榴連飄香又話冇貨，失望！之後等左9個字頂唔順叫人，差唔多等成粒鐘都冇見過一塊海膽，之後9點先送到嚟。海膽刺身下面墊住塊青瓜，本人麻麻地鍾意青瓜，冇食個青瓜就咁食海膽，但果陣青瓜味完全搶晒海膽既味，就係食緊又黏又淋既