御家迴轉壽司 (已結業)

之前試過CWB o個間覺得唔錯，打算放學後試o下MK呢間，而且!0:00p.m.後有7折喎，點知令到突然壽司癮起o既我o地大失所望……一入到去佢就要我o地order個前菜，不過都冇所謂啦，叫咪叫囉~~由於我o地超級肚餓，一氣過叫o左約十樣壽司加小食，佢d o野食都o黎得幾快，不過每見到一款o野食就令我失望一次……d壽司size縮哂水……塊魚生分分鐘薄過百佳買o個d ……食o左等於冇食咁……最差可以話係個御牛卷，話哂都係獨家壽司，點可以咁o架！！塊牛仲硬過牛肉乾……個軟殼蟹又係……同CWB o既size同quality都差好遠……落order時，我o地問過個經理"帆立貝北海燒"係咩黎，佢話似燒餅，咁我o地就order啦，點知……得面o個4隻帆立貝，底o個d全部都係青椒、紅椒、黃椒……同佢所講o既好唔同……我o地兩個都唔食椒o既，waste哂成碟o野食~~7折姐，駛唔駛咁呀，未試過邊食邊罵……7拆姐，我呈願唔要啦！！打死都唔再去呢間！！P.S. 唯一好味o既只係佢個麥茶