亞坤 (已結業)

四月去完新加玻食左當地的亞坤，個咖咉多真係一食難忘，要專登第二日再食多次。 番到嚟香港，五月份已經見到係尖沙咀話coming soon, 真係超期待。開張左個幾星期，每日番工或放工經過都見排晒長龍。 今日終於有時間去食。佢比起新加玻多左好多product, 有叻沙，鹵麵, 蒸飽，特式飲品等等。 我當然要試番咖咉多，同埋叫左個馬來西亞鹵麵試下。見佢送到嚟嘅咖咉多，已經一睇就知無新加玻的好食。 佢層牛油同咖咉醬都好薄，人地新加玻果D係厚到咇晒出嚟。 同埋多士又唔夠脆又唔熱，又貴過新加玻好多，所有希望都幻滅。 仲諗住香港都可以食到亞坤......馬來西亞鹵麵都還可以，個汁幾好味，有麻醬味，少少辣椒，甜甜辣辣，是不錯的但都係個句，我好掛住新加玻亞坤咖咉多