串カツ専門店

营业中

休息中

星期五約左朋友happy Friday 三個人朋友到左先，睇完餐牌朋友話唔係太抵食。一隻雞翼要32蚊，想嗌set店員話一定要有四個人先可以叫牛腸鍋個個set。我地得三個人只可以散叫。因為有一位朋友唔食牛，另外散叫牛腸鍋就唔太抵。我地就決定隨便叫少少野食，9點就再轉埸。最後叫左啲卷物 炒面 伴酒菜 同一人一杯飲品。*其中有一樣海鮮明太子既一道菜超難食佢係將明太子mix落啲山藥入面，入面仲食到有薑絲。最後再係上面打隻生蛋。明太子mix 左落山藥入面之後無左明太子既風味，得翻一陣魚腥味。配合埋山藥生蛋既口感同埋靈魂薑絲，我覺得自己好似食緊一碟未蒸既蒸魚。頂唔順埋單走人，對一對張單9xx。明明無乜點食過啲乜，原來頭盤俾我哋揀個三款前菜係要30蚊一碟，好似食中菜個碟花生咁，食中菜都起碼可以唔要叫侍應收走佢，呢到直頭迫你揀。我真係第一次食日式料理係呢種玩法，cp 值低到喊。然後仲要限時180分鐘。