Camellia (已結業)

#ftf_尖沙咀食物質素配上所謂打卡嘅環境都完全唔值呢個價位🙂因為只係少少好睇，但味道絕大部份嘅Cafe都一定好味過佢！但都多謝朋友想培訓我成為一個優雅嘅港女🥰只可惜我係一個重視食物質素多過環境同打卡嘅大胃王，環境講打卡位嚟講唔算多，但食物定價好進取 如果純粹因為地段係喺K11，我寧願食其他嗰隻餐廳都唔會揀佢。粉夢星球 $138⭐️⭐️純粹gimmick野，味道非常一般，唔係難食，但完全唔值呢個價位，外層嘅朱古力皮同kinder出奇蛋比，天達出奇蛋勝，中間有一粒macaroon、少量士多啤梨同藍莓，仲有cream，呢個價食兩件La Famille仲開心！牛油果醬水牛芝士薄餅 $148⭐️任何一間普通麵包店入邊嘅Pizza都會好食過佢，個pizza texture 根本就係一個普通麵包，而且賣相都好一般。野菌黑松露手工薯仔粉 $158⭐️⭐️⭐️味道正常發揮，醬汁唔會太漏，都係黑松露同香菇味，薯仔粉口感都幾得意，有啲似飯團麵粉嘅質地，唔係煙韌嗰啲。而且份量極少，女仔來講，我完全唔夠飽！Strawberry Jasmine fruit tea $78⭐️⭐️花瓶，半杯冰，味道淡。回頭率❌性價比🤰🏻 #fe