陳記燒鵝茶餐廳 (已結業)

突然想食撈丁，諗起以前經過陳記，見到個牌有芝士撈丁，就去試吓。
$38一個吉列魚柳芝士撈丁、厚多士、一杯熱飲。
原多士：一般，冇乜特別。
吉列魚柳芝士撈丁：嘩！個芝士汁只係白汁加少少少少芝士，顏色比白汁黃少少，完全唔知原來食緊芝士汁。好彩件炸魚仲ok。個麵一睇就知唔係出前一丁，大光麵嚟。。。，麵身硬又冇味。
架啡：一般般，起碼唔會苦澀。
最離譜係D服務，個侍應黑口黑面，明明$38寫$40，問佢點解$40，佢一句解釋都冇，好悔氣好黑面咁改番$38，呢D服務態度好難要我再幫襯。
食完先睇番陳記D食評，原來芝士撈丁真係唔掂，陳記都係專心做燒味算啦！