Ocio オシオ (已結業)

餐廳新開張無耐，而且裝修不俗，所以入去試吓，點知伏到冇朋友。3人叫了2set晚餐及一個窩夫，諗住唔夠先再order，費事浪費食物，好在。首先來了2客不知名的是日餐湯，飲了2啖已經不想再飲下去，因為溫度是介乎凍與暖之間，廚房連番熱都冇;很快脆皮烤鴨配焗薯餅香燈黑醋醬就上枱，烤鴨皮不脆，鴨肉非常鞋，另完全不覺有焗薯餅，只是有約2茶匙的薯蓉，同樣是全無熱度可言；密瓜窩夫亦光速送到，上枱速度嚇我一跳，正常一客即做的窩夫由落單至上枱起碼15-20分鐘，但不夠5分鐘就上枱的窩夫就知不是即做，果然窩夫又硬又唔脆，密瓜及雪糕是正常；最後上枱是新鮮有機舞松茸燴飯，味道算是最正常，但都是唔夠熱。總括來說我所點的食物都係預先製作好，食客點完餐連番熱都慳返就上枱，所以可以光速送餐，但這餐廳不是快餐店，價錢亦不便宜，所以應該冇下次。