影片
更多
2012-07-28
1346 浏览
今日約咗成班朋友出黎傾嘢, 一路都唔知邊間CAFE可以坐到咁多人又傾到嘢, 於是就喺OPEN RICE搵咗呢間嘢, 由於早幾日BOOK既關係, 去到唔洗等位就可以坐低啦~呢度環境都算OK, 唔迫, 但除咗環境之後就搵唔到其他好嘢啦...首先一坐低個妹妹仔就走黎問我地食乜嘢, 呢個妹妹仔服務都算OK, 笑容十足, 本來唸住散叫, 後尾佢話散叫坐得3個鐘, 叫PARTY餐就可以食4個鐘, 指定飲品任飲...結果我地就揀咗叫PARTY餐啦... 包3個主菜, 7碟小食幾經辛苦喺餐牌入面揀到食乜(某幾款小食由於要早2日預訂至有, 所以焗住要喺9款入面揀7款)落完單後接住落黎就係一個全程黑面既男WAITER負責我地嗰枱... 啲態度衰到冇人有,黑口黑面不突止, 粗聲粗氣叫我地拎開啲嘢擺嘢食, 仲要係遞俾我地自己擺,從來冇見過一間餐廳/CAFE可以有啲服務咁差既人食物方面主菜:肉醬意粉: 不過不失, 算係最正常既一味主菜 白汁海鮮意粉: 冇乜特別, 一般般啦 另一味唔知乜嘢白汁飯: 啲飯係生既, 完全唔合格 小食:芝士焗西蘭花: 鹹到冇人有, 除咗鹹完全食唔到啲咩味炸春卷: 一般現成嘢炸魚手指+
於是就喺OPEN RICE搵咗呢間嘢, 由於早幾日BOOK既關係, 去到唔洗等位就可以坐低啦~
呢度環境都算OK, 唔迫, 但除咗環境之後就搵唔到其他好嘢啦...
首先一坐低個妹妹仔就走黎問我地食乜嘢, 呢個妹妹仔服務都算OK, 笑容十足,
本來唸住散叫, 後尾佢話散叫坐得3個鐘, 叫PARTY餐就可以食4個鐘, 指定飲品任飲...
結果我地就揀咗叫PARTY餐啦... 包3個主菜, 7碟小食
幾經辛苦喺餐牌入面揀到食乜(某幾款小食由於要早2日預訂至有, 所以焗住要喺9款入面揀7款)
落完單後接住落黎就係一個全程黑面既男WAITER負責我地嗰枱... 啲態度衰到冇人有,
黑口黑面不突止, 粗聲粗氣叫我地拎開啲嘢擺嘢食, 仲要係遞俾我地自己擺,
從來冇見過一間餐廳/CAFE可以有啲服務咁差既人
食物方面
主菜:
肉醬意粉: 不過不失, 算係最正常既一味主菜
白汁海鮮意粉: 冇乜特別, 一般般啦
另一味唔知乜嘢白汁飯: 啲飯係生既, 完全唔合格
小食:
芝士焗西蘭花: 鹹到冇人有, 除咗鹹完全食唔到啲咩味
炸春卷: 一般現成嘢
炸魚手指+炸薯角: 都係一般現成嘢
焗薯: 冇乜味
兩款薄餅: 其中一款辣肉腸就辣到冇朋友 另一款就清淡得離奇
本身對CAFE既嘢食都唔抱咩大期望, 但比預期仲要差, 呢個都算...
最經典既竟然係嘢飲....
啲嘢飲係一渣渣咁上, 開頭叫咗一渣蘋果綠茶, 一渣蜜桃綠茶
馬上倒一杯黎試... 竟然會唔知邊一渣係蘋果, 邊一渣係蜜桃, 兩渣都係得茶味....
之後再叫咗不同既款式, 例如提子紅茶之類, 結果都係一樣, 完全得茶味.....
最後我地竟然係焗住叫淨綠茶....
真係好難想像一間CAFE啲嘢飲可以難飲得咁緊要....
埋單每位: $140 貴之餘啲質素仲要差到離晒譜
總括一句: 以後都唔會再幫襯呢間嘢... 咁既質素都可以有咁多個哈哈笑, 原來係信唔過既
张贴