沙嗲王 (+WOO嘉湖二期)

营业中

休息中

難得見到遠在天邊嘅天水圍都開到一間沙嗲王，諗住嘗試一吓佢馳名已久嘅食物，可惜換來失望嘅體驗。叫外賣嘅時候，特別聲明走蔥，亦都打咗喺外賣單上面，最後都係冇走到，仲係有蔥花。等外賣嗰陣，服務員喺廚房拎外賣出接待處嘅時候，完全冇呼喚外賣號碼，令提取外賣時有所延誤，食物變涼，實屬失敗。餐廳竟然將冷熱飲品放入同一個包裝袋入面，返到屋企竟然嘗試到熱奶茶變溫奶茶，同埋，凍奶茶變涼奶茶。連世界著名嘅快餐店都識得用兩個袋分開兩杯唔同溫度嘅嘢飲，今次嘅體驗實屬驚喜。