반찬앤쿡 Banchan and Cook (時代廣場) (已結業)

作為一個蛋白飯控，一見到D相就9衝來試下，點知出左事，完全中伏😭叫左燉牛肋骨蛋包飯，諗住一次滿足兩個願望，點知帶來雙陪失望😫Order左5分鐘就來都心知不妙，但係個樣好靚，份量超大，都打左卡先先食配菜，完全唔係同牛肉一齊燉，係白烚再加汁上去；牛肋骨偏甜，唔係傳統韓國餐廳煮法，好似係炆完加D獻汁係上面嘅感覺，肥瘦適中，可入口，但係絕對唔講得上好食；個蛋顏色好靚，好滑，但係無蛋味，同埋好似無落鹽，總之就係滑蛋口感但係無味，好詭異，究竟用左咩蛋🤔D飯用牛肋骨個汁炒，有牛肉粒、瓜同紅蘿蔔，紅蘿蔔好難食😖，味道又係甜甜地，好怪，米似係大陸珍珠米，唔難食嘅都到環境喇，係時代廣場入面，乾淨企理，座位寬敞，冷氣好夠（係今日令我最滿意嘅一點！），店員有禮貌服務OK，但係個蛋包飯另我心靈受創，完全彌補唔到😢希望其他蛋包飯控唔好好似我咁中伏，共勉之