無極手工麵.燒烤.私房料理 (已結業)

今日係灣仔做野,下午1:00 Lunch時間周圍都係人,幾本上間間都要等位,包括呢間。不過由於佢鋪面比較大,所以等候時間較短,幾分鐘就可以入座,而呢個就係中伏既開始。餐牌上面由$4x-$8x不等,有飯餐麵餐等,加$6更可配飲品。我地分別揀左2個$68既"富貴人家"麵(有豬軟骨2件,雞翼1隻,冬菇2個,油豆腐2件,花膠1片,水餃1隻)+$6配凍檸茶....真。心。伏。首先凍檸茶既茶底係絕對唔好飲自問真係甚少對凍檸茶有要求,平時基本上間間茶餐廳我都覺得ok,但呢杯真係唔好飲。到個麵啦,我叫左油麵,朋友叫左幼麵,我個個湯底揀左辣雞煲汁都ok...朋友揀既鹵水汁好似無咪既咁就咁眼睇已經見到白雪雪無乜味。豬軟骨同油豆腐係配料裏面最好食,雞翼少有地唔ok..但伏中之伏會係個隻水餃咬一啖就吐番出黎,認為我太誇張既朋友絕對可以自己俾錢去試下!!層皮未熟兼加厚,內裡既料都係難食既...omg相反另一個朋友叫佢做咗$58花膠雞煲仔手工麵就正常好多。朋友話唔可以叫做好食,但起碼正常唔伏,相比所謂"富貴人家"$68+6(飲品)=$74,我只覺得食左個劣質車仔麵。呢篇食評真係唔係為左針對,而係有個句講個句。最後