虹橋海鮮酒家

今日1月1號趁紅色假期就諗住同男友去lee間剛裝修過的酒樓飲茶，我地坐的是紫京廳，入面只有兩圍食客，半小時左右，這兩圍先後結帳，有位女侍應就立即帶左3個人入黎打牌，重關埋木門，完全當我地兩個人透明，亦都無侍應入黎加茶或者問我地需唔需要換房，4個打牌0既人包括果位女侍應大聲講大聲笑，嘈吵聲加洗牌聲已經令到我地冇晒心情繼續食落去，於是男友就出房同另一侍應理論並叫經理過黎，點知個侍應重話以為佢地係問過經理先可以入黎打牌0既，即刻同我地say sorry，而有份打牌果個女侍應重好似怪我男友打擾佢咁，唔道歉重大大聲話唔打喇唔打喇同另外3個人走左去，而個經理知道都唔出黎同我地道歉，真係離晒普，我男友即刻埋單重話以後都唔會再幫襯tim，新年比佢攪到咁唔開心都唔知為乜，奉勸各位，lee間屯門蝴蝶邨虹橋大酒樓真係去唔過，唔想受氣0既千奇咪去!!!