巧得鍋 (已結業)

嚟到「巧得鍋」果然有驚喜，試咗一個「安格斯牛肉餃」份量雖然唔算多，一碟只得6隻，但從賣相已經睇得出廚師喺用心製作，絕無馬虎。從外型睇，包得非常精緻，食嘅時候又快熟，裡面嘅牛肉係選新鮮嘅安格斯牛肉將佢切碎作餡料，另外仲會包啲菜之類嘅做配搭，調味合宜，啲餃子皮比較薄，而餡料又豐富，真喺食過番尋味㗎！另外，我同朋友仲食咗一個「蔬菜籃」其實都抵食嘅，裡面有齊晒唔同款式蔬菜，份量都可以夠倆個食。「蔬菜籃」裡面有生菜、冬茹、粟米、南心、蕃茄、金茹、白蘿蔔等，真係一個籃都夠晒，又健康又唔肥膩。仲有留意到餐廳嘅服務非常貼心，會放有不同嘅調味料供食客自由選擇，而且餐具都好別緻，非常有特式，估唔到工廠區嘅地方都會有一間好得嘅餐廳。最後可以試埋「薄切牛扒」入口味道濃郁，好入味，咬落又唔太煙韌，份量都夠兩個人嘅。