影片
更多
2021-02-15
492 浏览
第一次寫食評，真係差到極點要分享經OpenRice 預訂2月15日13:00 - 14:30午市時段點心任食，大約12:45到達餐廳，排隊等安排入座，等到大約13:00，門口已經人多到行都行唔到，等入去既未入得，食完出黎既又走唔到，當中有老人家小朋友，情況非常混亂，餐廳安排入座亦唔係按到場登記先後次序，在場已經有唔少客人投訴大約迫左半個鐘，終於可以入去安排坐低，以為可以開始食野，但點知原來係想多了一坐低（13:15）寫點心紙點野食，等左大約半個鐘（13:45）都未見有第一碟野食，隔離枱同時坐低都已經開始食緊幾碟，見到有啲唔對路就問問侍應會唔會漏左單或者啲野食送錯枱號，因見到隔離枱話有野食無寫過，然後有位部長就拎住我地寫既點心紙過黎話有入單，咁都明白可能人多咁再等多陣，同時因第一張點心紙有野食未點所以落多一張，等到大約14:00左右竟然到既係第二張點心紙寫既野食，第一張紙既野食仍然未到，午市時段到14:30，都差唔多夠鐘，另外等待期間已經見到隔離枱多次出現唔係佢地點既食物，咁再（好聲好氣）問一問侍應睇下枱號會唔會搞錯左，點知個侍應就好惡咁話「咩枱號呀，搞錯咩呀」然後就行左去一邊同第二個同
第一次寫食評，真係差到極點要分享
經OpenRice 預訂2月15日13:00 - 14:30午市時段點心任食，大約12:45到達餐廳，排隊等安排入座，等到大約13:00，門口已經人多到行都行唔到，等入去既未入得，食完出黎既又走唔到，當中有老人家小朋友，情況非常混亂，餐廳安排入座亦唔係按到場登記先後次序，在場已經有唔少客人投訴
大約迫左半個鐘，終於可以入去安排坐低，以為可以開始食野，但點知原來係想多了
一坐低（13:15）寫點心紙點野食，等左大約半個鐘（13:45）都未見有第一碟野食，隔離枱同時坐低都已經開始食緊幾碟，見到有啲唔對路就問問侍應會唔會漏左單或者啲野食送錯枱號，因見到隔離枱話有野食無寫過，然後有位部長就拎住我地寫既點心紙過黎話有入單，咁都明白可能人多咁再等多陣，同時因第一張點心紙有野食未點所以落多一張，等到大約14:00左右竟然到既係第二張點心紙寫既野食，第一張紙既野食仍然未到，午市時段到14:30，都差唔多夠鐘，另外等待期間已經見到隔離枱多次出現唔係佢地點既食物，咁再（好聲好氣）問一問侍應睇下枱號會唔會搞錯左，點知個侍應就好惡咁話「咩枱號呀，搞錯咩呀」然後就行左去一邊同第二個同事講「有咩咪投訴我囉」，態度極之惡劣，當時我已經坐左大約一個鐘，食左唔超過5碟點心，張枱面長期都係無咩野食（圖一），隔離枱都已經食飽，咁岩見到部長同有位貌似高級職員行過，再嘗試問下，得到既答覆都係「跟緊」「人多」「多單」「再等多陣」「有落單的」，當時都已經等到無晒胃口了，拎多張點心紙諗住叫甜品食，點知發覺好多野食都已經無晒刪左（圖二），有啲仲要係由始至終都無黎過，真係好過份，之後其他人客開始埋單走，啲侍應就開始拎住啲野食行埋黎問「有無叫過呢樣野食」「呢樣岩唔岩食」等等，好似食剩啲野就拎埋黎問你食唔食呀咁，完全唔係自己點既野食
其實咁大間餐廳，由安排入座個刻已經好亂，電腦系統落單又亂，啲野食亂出，錯數量錯枱號，侍應態度又惡劣，呢間餐廳都真係唔會再有下次
张贴
