泰道 (已結業)

第一次經Openrice定位，第一次寫食評。 我經Openrice book 咗 12:00，當日係五、一，我同朋友準時到達，攞位時前面有一對walkin 客，職員立即可以安排到室內座位。 輪到我哋時，首先職員話揾唔到我個booking, 我話係經openrice定位，跟住就揾到。 職員之後同我講，唔好意思因今早落雨未set 好枱，跟住手指一指去一張在路邊貼牆嘅枱，我哋一望有冇搞錯，張枱隔離有架放已用完餐嘅碗碟嘅車，同埋好明顯係求其有個位置就安排我哋坐。 首先，我以為有定枱就可以坐係海邊(可能我定枱時冇註明)，ok,呢個算。 第二，定咗枱話冇set 枱，值囗係話因為啱啱落雨(因為佢指比我睇果張枱係室外)，如果落雨，你仲比張室外嘅枱我(張枱係冇遮冇擋)。 眼見佢張booking紙得幾個booking ，當時全餐廳已經full,應該係walkin 客多，好明顯佢哋冇將booking當一回事，既然係咁，不如唔好接受booking。 我同朋友一肚氣走咗，應該之後都唔會再去。