安平燒肉

营业中

休息中

今日落大雨唔知去邊度食嘢好，12:00上咗去大鴻輝安平烤肉，我哋揀咗58款$258一位，話星期六日公眾假期加多$20，另外再加一，埋單兩位$612。佢有好多豬肉選擇唔錯喎，有調味同原味，反而我鍾意食老虎雞翼，香香辣辣，肉又唔霉，好多飲品選擇，又有冷凍茶，每人一杯Häagen-Dazs雪糕，佢啲調味醬料好正呀，我鍾意黃色溝紅色，加檸檬汁，點肉食好正，唔食牛嘅嚟安平都有好多嘢食選擇。不過職員好急趕執枱，未夠鐘都已經清晒我哋張枱嘅嘢，連茶杯都問我哋仲要唔要，真係唔想我哋再繼續坐係度，一分鐘都唔可以超出，門口又無人等位。另外，啲單亂晒，我哋附近三張連同我哋，送啲嘢食嚟，都聽到大家話，唔係我哋，我哋無叫呢樣，比咗啲唔知乜嘢我哋，我哋又係無叫到，我哋叫咗嘅又唔見嚟，唯有再落單。👇👇要讚下有個女職員好勤力主動幫我哋換燒烤網👍👍原先比⭐️⭐️⭐️服務，因為呢個女仔，所以比多一粒星⭐️，係特別比佢。