安安燒 (染布房街) (已結業)

安安飲食既火鍋撚同楚撚記我都好喜歡，仲要成日都大排長龍！今次第一次嚟到佢地集團既串燒餐廳，訂枱既時候已經十分期待。同朋友兩個人乜野食都想試最後叫到一枱都係首先值得稱讚既係佢杯野飲，腐竹雞蛋糖水沙冰。有時飲啲沙冰入到口會甜味還甜味，冰還冰，但安安燒呢杯沙冰係無呢個問題，我諗係因為佢真材實料將糖水雪成冰再打成沙冰，而唔係糖水加冰咁打。其次就係上圖中既芝士蒜蓉撈丁，蒜蓉好多，再配上芝士既咸香簡直有簡單就是好食既感覺。但要襯熱食哂去，凍咗啲芝士會一pat pat杰哂唔好食。其他野食都好一般。要佢地自己調味既海鮮，茄子，雞翼，豬頸肉都稱唔上好食。我覺得好食既只有本身已經係好食既野，包括麻吉燒，司華力腸同燒墨魚餅本身極期待既燒粢飯都令我失望，好淡味，餡又少。咁既價錢我下次都係比貴啲上返樓上打邊爐或者去食楚撚記好了