影片
更多
2021-03-13
215 浏览
只要同朋友講起食串燒，大家都一定會諗起食安安燒，一年至少食十幾次都有😋。鋪位偏旺角東位置，每次去到都一定要排隊等位，今次就足足等咗差唔多半粒鐘先有得食，不過每次食完都會覺得好滿足。調味料可以自由任加孜然粉或者辣粉。飲品方面建議配搭甜甜地嘅菠蘿啤🍍，酒精成份超低，好啱女仔飲，當係菠蘿汁汽水咁🤣。🦑 沙茶醬燒原隻墨魚仔 $28.5呢個墨魚仔係第一次食，一份有5隻，可以話粒粒都幾飽滿。味道都幾有海鮮嘅鮮味，反而沙茶醬味比較淡，都係當試吓新嘢。👅評分：6.5/10🍅 焦糖脆脆大番茄 $19
番茄真係每次嘅必點👍🏻！番茄真係大大粒，表面灑滿糖然後燒出焦糖，有陣焦香之外，更加襯托出番茄嘅甜，真係好好食，口感又有少少脆脆地幾特別。👅評分：8.5/10🥚 超美味玉子燒 $26玉子燒都係推介之一，每一塊都好嫩好滑，充滿蛋香同甜味，鍾意玉子燒嘅朋友千其唔好錯過。👅評分：8/10🐷 秘製沙爹醬烤豬頸肉 $29.5豬頸肉可以點黃芥末，但個人覺得唔點都可以，可以食得出個豬頸肉本身嘅炭烤味。同樣地個沙爹醬都唔太突出，豬頸肉份量唔多，CP值唔算好高，個人覺得不太抵食。👅評分：6/10🐓 烤雞腎串 $24.5/2串就
調味料可以自由任加孜然粉或者辣粉。飲品方面建議配搭甜甜地嘅菠蘿啤🍍，酒精成份超低，好啱女仔飲，當係菠蘿汁汽水咁🤣。
🦑 沙茶醬燒原隻墨魚仔 $28.5
呢個墨魚仔係第一次食，一份有5隻，可以話粒粒都幾飽滿。味道都幾有海鮮嘅鮮味，反而沙茶醬味比較淡，都係當試吓新嘢。
👅評分：6.5/10
🍅 焦糖脆脆大番茄 $19 番茄真係每次嘅必點👍🏻！番茄真係大大粒，表面灑滿糖然後燒出焦糖，有陣焦香之外，更加襯托出番茄嘅甜，真係好好食，口感又有少少脆脆地幾特別。
👅評分：8.5/10
🥚 超美味玉子燒 $26
玉子燒都係推介之一，每一塊都好嫩好滑，充滿蛋香同甜味，鍾意玉子燒嘅朋友千其唔好錯過。
👅評分：8/10
🐷 秘製沙爹醬烤豬頸肉 $29.5
豬頸肉可以點黃芥末，但個人覺得唔點都可以，可以食得出個豬頸肉本身嘅炭烤味。同樣地個沙爹醬都唔太突出，豬頸肉份量唔多，CP值唔算好高，個人覺得不太抵食。
👅評分：6/10
🐓 烤雞腎串 $24.5/2串
就咁睇張相都睇到睇雞腎好多位燒燶咗，食到覺得苦😩，真係唔ok。以往正常水平嘅雞腎串都可以俾到7.5-8分，但今次真係太燶太苦了☹️，唯有當佢哋今次失準。
👅評分：3/10
🍄沙茶醬燒雞髀菇 $16.5
呢個雞髀菇燒得好正，又滑又嫩又彈牙，咬落去會有汁噴出嚟，口感一流。重點係呢個沙茶醬會塗滿係個菇嘅表面，所以燒得好入味，大推！
👅評分：8/10
🐓 燒雞軟骨串 $25.5/2串
正常發揮，爽口又卜卜脆，算中規中矩嘅串燒選擇。
👅評分：7/10
🍆 惹味蒜蓉生燒茄子 $43
呢個原條燒茄子真係好足料，面頭鋪滿咗蒜蓉，超濃蒜香。茄子多肉多汁，個人鍾意再加啲孜然粉食會更香，不過啲蒜蓉食得多會有少少苦。
👅評分：7/10
🥬 燒娃娃菜 $15.5
娃娃菜都係我嘅串燒必點之一，呢到嘅娃娃菜入味得嚟又唔會太乾，不過今次覺得可以燒得再軟身少少。
👅評分：7/10
题外话/补充资料：
💬後記：因為今次得兩個女仔去食，就無叫好多肉，除咗上面嘅菜式之外，安安燒仲有好多值得推介嘅串燒架！
推介之選：脆皮燒滑雞片，秘製醬燒雞中翼，串燒叉燒肋排粒，蒜蓉燒扇貝，秘製麻辣金針菇，串燒蜜糖燒賣，仲有佢哋嘅撈丁都好出名（但係超飽）！
(以上食记乃用户个人意见 , 并不代表OpenRice之观点。)
张贴
