炑八韓烤 (黃金廣場) (已結業)

韓國士多啤梨冰沫 ( 7.5/10 ) $48第一次食士多啤梨味，我地覺得呢個比抹茶出色，更值得一試！冰好似雪咁，入口即溶，正！士多啤梨切成一粒粒，好鮮甜呀，同冰沫都幾夾喎😋 加上煉奶食仲好食呀，甜甜地好好味，怕太甜嘅朋友落少少好啦！價錢比韓冰平成一半，分量亦少一半，吃貨們請自己衡量。宇治金時冰沬 ( 5.5/10 ) $48呢間嘅冰沫好幼細，入口綿密，入口即溶 冰沫係合格嘅。抹茶味就唔太特出啦，因為係就咁將抹茶粉放係冰沫上面，只有面頭嘅冰沫有抹茶味，而且抹茶味都幾人工。同韓冰嘅抹茶冰相比，韓冰嘅較出色！冰沫入面有類似小丸子嘅野，較硬身，唔太煙靱，我地覺得麻麻啦！價錢比韓冰平成一半，分量亦少一半，吃貨們請自己衡量。