HeSheEat (綠楊坊) (已結業)

朋友仔係荃灣放工，我過黎就一就佢一齊食好西，原來呢度He she Eat 佢都食過，我哋就係呢度開餐啦！好，坐低睇下有咩好食先。炸珍寶蟹棒&芝士年糕配日式蛋黃醬，個蟹棒炸得好香口，裡面個肉好彈牙，就算唔點醬都唔乾。芝士年糕就係超邪惡，裡面軟綿綿嘅拉絲芝士，正！蕃茄蟹肉牛油果莎莎配墨西哥脆片，牛油果蓉超正加上上面粒粒蕃茄好有口感，仲有幾點黑魚子。墨西哥脆片少少辣好脆。燒烤BB豬肋骨配日式薯仔沙律，個燒烤醬汁好惹味，豬肋骨一咬就骨肉分離，個薯蓉裡面仲有洋蔥雜菜蓉，令到個層次好豐富。宇治抹茶黑芝麻梳乎厘班戟，最正都係甜品，上面係芝麻奶油，加上宇治抹茶醬，有空氣感嘅梳乎厘，仲有就係粒粒紅豆，食到停唔到。