影片
更多
2013-04-23
189 浏览
一班老死臨時臨急約食飯, 大定一扑鎚已經立即打去滿屋BOOK枱.接電話個女仔已經話full booking, 正打算轉陣的時候個女仔話幫我轉去Waiting list, 三點左右會再call我.諗住都唔會call我架啦, 點知真係三點就打黎話9:30有枱.入去果陣都幾嚇一次, 間野迫過樓下茶餐廳, 四個麻甩佬迫住係個卡位度郁唔到.人又多又嘈, 真係比街坊酒樓有過之而無不及.真係好認真咁提議, 汔水任飲就真係唔好比杯茶人, 張枱已經細, 個杯又大.同埋枱枱d人都唔飲茶, 可以的話應該印埋落飲料果一張紙度等人自己tick.入正題, 講野食刺身係好ok既, 選擇多 (三文魚, 吞拿魚, 甜蝦, 帶子, 白肉豕, 油甘魚, 象拔蚌.....)又夠足料, 又大件又夠厚, 仲要裝飾得靚靚仔仔咁!天婦羅就比較淡, 勝在夠熱辣辣.炸蠔都唔錯, 不過醬汁太少.羊架, 強烈唔建議食, 比soda粉嗱得太勁, 已經唔可以叫做一舊肉.聽朋友講豬肉串都一樣係咁.燒物只係食左雞軟骨, 雞翼同菠蘿.菠蘿又甜又多汁, 係必食之選.因為遲入場, 所以食到十點八九已經叫緊last order.初初我地都無理, 直到有一個
接電話個女仔已經話full booking, 正打算轉陣的時候個女仔話幫我轉去Waiting list, 三點左右會再call我.
諗住都唔會call我架啦, 點知真係三點就打黎話9:30有枱.
入去果陣都幾嚇一次, 間野迫過樓下茶餐廳, 四個麻甩佬迫住係個卡位度郁唔到.
人又多又嘈, 真係比街坊酒樓有過之而無不及.
真係好認真咁提議, 汔水任飲就真係唔好比杯茶人, 張枱已經細, 個杯又大.
同埋枱枱d人都唔飲茶, 可以的話應該印埋落飲料果一張紙度等人自己tick.
入正題, 講野食
刺身係好ok既, 選擇多 (三文魚, 吞拿魚, 甜蝦, 帶子, 白肉豕, 油甘魚, 象拔蚌.....)又夠足料, 又大件又夠厚, 仲要裝飾得靚靚仔仔咁!
天婦羅就比較淡, 勝在夠熱辣辣.
炸蠔都唔錯, 不過醬汁太少.
羊架, 強烈唔建議食, 比soda粉嗱得太勁, 已經唔可以叫做一舊肉.
聽朋友講豬肉串都一樣係咁.
燒物只係食左雞軟骨, 雞翼同菠蘿.
菠蘿又甜又多汁, 係必食之選.
因為遲入場, 所以食到十點八九已經叫緊last order.
初初我地都無理, 直到有一個女仔走埋黎同我地講last order 我地先比兩張紙仔佢.
佢突然講左句說話我地成班人呆晒
佢: 真係last order啦喎, 之後無得叫架啦! 唔寫多啲!
我朋友見佢咁hard sale就慢慢睇下有咩寫
點知個女仔企左幾分鐘之後就話, 決定好未呢! 得你地呢枱未揀好咋.
我望一望佢隻手, 原來全世界的last order都係佢手, 佢真係等我地寫埋先走.
朋友之後寫落黎的孽債, 到最後都係食唔晒.
坐到十一點半, 人地樓面清場先走.
出到門口先知朋友仔漏左把遮, 點知一轉身, 頭先last order個妹妹仔已經攞左出黎.
good service丫, 小妹妹, 我buy你!
张贴
