16
10
20
等级4
396
0
2012-10-27 192 浏览
今日約朋友喺大圍食午飯,諗住12點咁早到到都會有位冇死,仲可以有排坐啦~唔知點解好多比較心儀既餐廳已經好多人~由朋友指指點點後就入左黎呢間食日本菜既地方見有個小姐喺門口抺緊野,以為未開,誰知原來冇咩生意,可能啱啱開門掛,相信我地係佢第一組的客人!!餐廳地方唔大,可以坐到20-25人,D枱拍得好密,見佢除木枱之外,仲加開几張摺枱,我心諗,係咪咁好生意呀?!我地諗人少少坐張4人枱都OK掛,侍應小姐已經將我地張4人枱分返開..咁我地諗住拉張椅黎放自己手袋,侍應小姐見到好快就叫我地拎返走,一陣會有人坐..@__@確實..侍應小姐既態度令我地有少少唔高興~見已經坐底左,朋友又唔想搞事,所以繼續坐落茶都冇杯,我覺得好少日式餐廳唔比茶,以為佢會遲少少比,點知最後都冇比好快我地叫侍應小姐落單,佢就由門口揚聲問我地要乜野,咁我地咪以為係佢地既''習慣''!咁咪揚聲咁同佢講囉, 點知佢又要行埋黎問多次...真係奇怪朋友叫左個照燒鷄扒湯面, 我叫左個花鮫便當,之後先發現,茶原來係計入餐飲.凍飲仲要加 $ .OKOK...朋友個面好快上左,照燒鷄扒,湯面分開上,照燒鷄扒又薄又細...我諗大約好似厚少少既 SA
更多
今日約朋友喺大圍食午飯,諗住12點咁早到到都會有位冇死,仲可以有排坐啦~
唔知點解好多比較心儀既餐廳已經好多人~
由朋友指指點點後就入左黎呢間食日本菜既地方

見有個小姐喺門口抺緊野,以為未開,誰知原來冇咩生意,可能啱啱開門掛,相信我地係佢第一組的客人!!

餐廳地方唔大,可以坐到20-25人,D枱拍得好密,見佢除木枱之外,仲加開几張摺枱,我心諗,係咪咁好生意呀?!
我地諗人少少坐張4人枱都OK掛,侍應小姐已經將我地張4人枱分返開..
咁我地諗住拉張椅黎放自己手袋,侍應小姐見到好快就叫我地拎返走,一陣會有人坐..@__@
確實..侍應小姐既態度令我地有少少唔高興~見已經坐底左,朋友又唔想搞事,所以繼續

坐落茶都冇杯,我覺得好少日式餐廳唔比茶,以為佢會遲少少比,點知最後都冇比
好快我地叫侍應小姐落單,佢就由門口揚聲問我地要乜野,咁我地咪以為係佢地既''習慣''!
咁咪揚聲咁同佢講囉, 點知佢又要行埋黎問多次...真係奇怪

朋友叫左個照燒鷄扒湯面, 我叫左個花鮫便當,之後先發現,茶原來係計入餐飲.凍飲仲要加 $ .OKOK...
朋友個面好快上左,
照燒鷄扒,湯面分開上,照燒鷄扒又薄又細...我諗大約好似厚少少既 SAMSUNG S III 咁上下
而且燒得好乾身,朋友要拎去浸湯先食..
湯 - 相信都係照燒汁開水..
D 面朋友話唔錯...唔淋唔硬已經好好.

到佢食完我個便當先到..都唔知有冇搞錯..
原來花鮫便當 = 鯖魚便當(見圖)

便當入面有餃子兩件 - 一件好好味,有肉汁,一件好乾..好似放左好耐咁 .
小小中華沙津 - 兩啖搞掂左,上枱時已經唔係好凍,可能放左出黎一段時間..真係唔明白佢D擺位,咁大個空間放咁少野好睇咩?!
花鮫一件 - 可能燒得太耐,已經乾身...燒既時間下次可以短少少,咁就唔洗咁乾身,我又可以快D有野食..
白飯 - D飯硬到...食落真係粒粒皆辛苦 一D都唔似珍珠米既感覺, 更加冇日本飯既特色 V__V
又冇咩醋味,要加少少七味粉調味~

而喺我朋友開始食面果陣,餐廳已經不斷有好多學生入黎,地方已經好細,佢地講野勁大聲~!!
佢地太興奮太熱鬧..令到我同朋友都傾唔到計~~拿拿林食完就走了..
埋單仲搞笑, 張單上面突然多收4蚊,我地問小姐呢條係咩數,
佢話係服務費~ @__@!!!!! 咁既服務..真係...''太值得''比啦...

嚴格黎講..我覺得我入錯地方~~相信唔會有下次...
45 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2012-10-26
用餐途径
堂食
人均消费
$60 (午餐)