杯中物

营业中

休息中

呢間鋪講真就唔係驚世好味既店鋪，我有少少懷疑應該係批發買野食返黎，賣既時候佢再翻熱俾客人，所以味道其實係普通，基本上見個食物已經知道佢既味道。不過香港地，呢個價錢係買唔到野食架，所以特別推薦糧尾或者想慳錢但又想食煎炸野既人，呢間都食得過！1. 15選3盒子（$15）有$20揀4款或者$15揀3款，其實除返開大概$2一件咁上下，我揀左蕃薯芋泥球、煎餃子同魷魚圈3款！蕃薯芋泥球係外層蕃薯脆皮，包住芋泥去炸，芋香好重，不過食到香精味，果種甜有少少撻口，但食一兩粒都幾頂癮，餃子有少少油，但翻炸得幾脆，魷魚圈本身冇咩味，店舖有好幾款醬可以自由添加。