源記喳咋 (已結業)

好久無出黎油麻地，以前可是在這區上學的，這條廟街，這個公園，都好懷念啦。好多以前的飯堂都不在了，見到源記，有種莫名其妙的親切感，同行的舊同學亦有此感，既然如此，就入去食返碗回憶吧。好傳統的餐牌，仲有幾多人識睇呢啲數字？！雖然只賣中式糖水，但配撘層出不窮，鍾意溝乜都得。天氣熱，點了兩碗凍糖水，呢度每人最低消費21蚊㗎，點完糖水要即刻比錢，老闆快人快語，不習慣的話可能會以為佢無禮貌，老店就係咁隨便。合桃露 $25自己點左呢樣，屋企就算煲糖水，都一定唔會整呢樣，所以點啲唔會整嘅野。糖水很傑身，雪凍左後隻匙羹係會浮係面的。合桃味沒預期中強，倒是很香亦後滑，略微唔夠甜呀。綠豆沙 $25舊同學話熱到爆，要點返啲消暑糖水，綠豆沙夠涼啱哂喎。綠豆煮到起沙，少許海帶，仲加左臭草，味道確實唔錯喎，咁多年都無變。